MALDIVES 馬爾代夫

TRAVEL PERIOD : 28 Oct 2015 - 02 Nov 2015

Destination : Maldives 馬爾代夫

alliance traveller : Jerry

第一次去『馬爾代夫』，呢到亦是honeymoon 熱門首選地方。

『馬爾代夫』由千多個不同嘅島嶼組成，一島一酒店。所以決定去之前當然係揀酒店啦！今次係我honeymoon 之旅，當然酒店不能馬虎，梗係揀水上屋入住！但揀酒店都頭暈，因為幾晚係同一個島，怕悶親。之前上網見到人話有些酒店好靚，但酒店附近冇乜魚，珊瑚之類⋯⋯不過睇咁多靚酒店，幾乎每間酒店嘅水上屋都好吸引～最終都選定左Kandohlu Resort ，四晩住water pool villa . 呢間酒店villa 房不多，夠曬privacy , 我地仲book 埋 full board meal , 唔洗煩，仲有因為我早訂房，酒店仲upgrade左我地all inclusive plan ,即房間內或餐廳嘅酒亦任飲，正到暈～

一到埗馬里機場，我便立即去找酒店嘅counter 職員，找到後佢地帶我地去check in 坐水上飛機，之後職員指示我地去坐shuttle bus 再轉坐seaplane ,大概坐左10分鐘shuttle bus 便到了，入到去有職員問你住邊間酒店，跟住會被安排去不同嘅lounge 等侯坐seaplane ,一入到 lounge ,有小吃飲品免費提供，可以上下網食下野等~

終於等到我地去坐seaplane 啦，真係好期待我地既酒店！一上到seaplane ，起飛後望返落黎真係好靚，d水好清！冇被污染嘅世外桃源真係無得頂！大慨20分鐘左右便到W Resort , 因為我選的酒店島比較小，所以要係附近嘅酒店轉接駁speed boat ,當然係等speedboat 果陣，指定動作周圍映下相啦～有機會去多間酒店。

Kandolhu 嘅職員好快便到來接我們，坐多10分鐘speedboat 便到了～～～

一到埗我地直接被安排入房間，直接係房間check in ~好貼心呢！酒店staff 仲為你逐一介紹房間用品，而房內有本I Pad 介紹酒店嘅活動、餐廳、Spa、Tour ⋯

今次我們嘅honeymoon trip 酒店亦送左 candle night dinner 同 spa 同一個 tour 俾我地，酒店staff 亦好主動地check in 時幫我reserve 曬時間，服務貼心。

講返間房先～嘩嘩嘩！海景靚到癲左，房外有私人泳池，房間可以直接跳落海，但放心～水不深的。就咁望落去已經有不同嘅魚遊緊了，水清到不得了！之前我去過好多其他陽光海灘嘅地方，但完全冇得比呀！呢度有好多珊瑚、珊瑚魚，仲有鯊魚仔，海龜，海星，魔鬼魚.....數唔曬呀。另外每日朝早約六點左右，因要覆email工作關係，坐係房間出面，都會見到好多海豚，而晚上更浪漫，因抬頭一望，超多星星，飲住酒，吹住微微海風，同愛人一齊...感覺難而形容。

講下呢度其他野先!島上有三間晚餐嘅餐廳可選擇，另外有一間主餐廳係早餐同午餐嘅。check in 完當然去食下野先啦～主餐廳食西餐為主，出乎意料之外，味道非常好，再加上任食任飲，冇得頂。另外一間餐廳食燒烤為主，魚、蝦、帶子、龍蝦，食幾餐都可以。最後一間係日式鐵板燒，味道唔錯，主要係睇大廚表演，約二小時的晚餐，冇得彈。

值得一提Kandolhu Resort 島細人少係優點（如喜歡人少）只有七間water pool villa，幾乎所有活動，食飯都係一對一服務。另外酒店範圍非常多魚及珊瑚，網絡上介紹係馬爾代夫玩浮潛及潛水top three酒店之一，呢句說話真係冇錯，雖然呢個地方比較貴，其實係好好好貴，但真心講，值得一去!!!!