悠然自得 - Penang 檳城！

TRAVEL PERIOD : 19 Jan 2016 – 21 Jan 2016

Destination : 檳城 Penang Malaysia

alliance traveller : Bryan

工作關係，只有短短三日時間逗留係檳城！

由於馬來西亞3000萬人口當中約有30%華人，所以好多地方國語甚至廣東話都通行，而北部嘅檳城洲更係福建人聚居地，好似小第夜機到達檳城之後嘅關仔閣夜市，就有好多檔口都係由華人開設，黎到呢度我第一個感覺係好可惜，可惜嘅係香港完全無晒呢種夜市 !

關仔閣隨左有好多華人檔口之外，亦有一部分是由印度人開設的檔口，雖然呢個夜市講唔上好乾淨，但係我好樂意係呢度搵食，因為呢度有好多童年回憶，例如戲院門前燒魷魚、羅漢果水、摸摸查查...

掃完街後就行返酒店，今次住一間由本地公司管理嘅 G Hotel Penang，check in時相當有驚喜，識員送上造型非常可愛嘅 Welcome Ice-Cream，透心涼呀!

大堂酒吧亦相當舒適，嘆左杯啤酒就訓囉

第二朝拉開窗簾就見到個好靚嘅海景(但無影相，下面呢張係上左車先影)

酒店三樓GYM Room同樣面呢個馬六甲海峽靚景 (同樣地我都係無影相 )　

聞說好多人都話檳城悶到嘔，第二日早上就出去George Town行下睇下有幾悶，George Town係檳城舊城區，有大量歷史建築，所以呢區全面禁煙，呢度有好多舊式店舖，我行左兩個鐘頭發覺呢度最多嘅係Coffee Shop，而且每間都各具特色，其實如果你鍾意舊式建築又鍾意嘆咖啡的話，我諗檳城呢個地方會令你好享受嗰種寧靜氣氛，樂得清靜、悠然自得

瀏覽呢區隨左步行之外亦可以租部單車漫遊，馬路上亦劃有單車專用標誌。

其實檳城有好多好靚嘅酒店，鍾意寧靜的話，呢個地方都是一個好選擇

由於時間關係，第二日下午約左當地一家大型旅行社及車公司的合作伙伴洽談工作上合作細節，

第三日更一早機就走，所以今次去唔到其他地方了

晚飯後路經呢條叫upper Penang酒吧街，星期三晚上都算熱鬧呀