細味 三重縣 日本

TRAVEL PERIOD : 25 Dec 2013 – 1 Jan 2014

Destination : 名古屋、鳥羽、伊勢、志摩、京都、大阪

時光倒流 突然好掛住 ~ "我最喜愛溫泉旅館",摷返幾年前D相黎睇,越睇越開心,好野係要開心share嘅 !!

8日行程搬幾次酒店,對我黎講係一件極痛苦嘅事,因為我真係好懶,覺得去旅行應該要Hea住咁玩,盡量唔好令自己辛苦,但今次因為太多地方想去,太多野想食,所以硬住頭皮搬就搬啦 !!

住宿次序 :

2013年 12 月 25日 住 名古屋

12 月 26日 住 志摩

12 月 27日 住 鳥羽

12 月 28日 住 大阪 1月1日走

第一日到達名古屋中部國際機場已是下午時份,由於今次行程重點不在名古屋市內同想慳返D時間,所以無係機場攞車,改為坐鐵路入市中心

到達市中心已經旁晚了,所以就係酒店附近隨搵食,我有個習慣係市區搵食好小會做定功課要去邊間邊間食,多數都係行到邊,其實主因都係懶囉 !!

由於臨近年尾,日本好多百貨公司商店都人頭湧湧(好似我地農曆新年前咁),人太多所以我地無咩點行街,只係去左名古屋駅地下街行下搵野食,見到好多好靚嘅蛋糕同士多啤利,就買黎做宵夜啦

晚餐就去食蟹喇 !去日本食蟹真係好開心,上檯前有人幫你拆好晒蟹殼,唔洗煩。

名古屋住左一晚Royal Park Hotel,簡呢間酒店有幾個原因

1) 唔貴,當時有特價大約HK$800一晚

2) 新淨企理

3) 有大浴場

4) 位置好,近名古屋駅,多野食

5) 對面有間租車公司,方便我第二朝攞車,向三重縣出發

2013年 12 月 26日 志摩

第一站行程 : 食 !!

志摩位於名古屋南面大約150km,志摩半島上的一個海邊城市,沿岸有好多牡蠣(生蠔)養殖場,今次搵到間旅館午餐供應當地嘅明物 "的矢牡蠣料理" !! 的矢牡蠣唔算肥大,但入口甘香,有小小銅蠔味道,一句講晒新鮮海產實好食!

呢間旅館環境仲非常唔錯,位於山頭上居高臨下,睇到志摩沿岸嘅影色

不過今晚唔住呢度,去搵間再正D嘅溫泉旅館住 !! 食飽就行喇喂

今晚要住好D "我最喜愛溫泉旅館",一向都喜歡小型旅館,貪佢人小唔會太嘈,加上呢度位置較偏遠,遊客相對亦較小,直頭有隱世旅館Feel呀,所以係度唔開名喇,真係想知就問我啦!

由於我地早左小小到,所以未入得房,咁就係"大堂"坐下同四周參觀下先,環境真係飛常舒適寧靜 !

呢四幅圖係 "大堂"

下低Slide show入面有十張休息室嘅相,休息室播放住優美嘅音樂,舒服到我地暈左係呢到成個鍾

直至職員黎通知我地入得房先識醒

"我最喜愛溫泉旅館"嘅有原因係晒相入面;房間佈置舒適,附內湯外湯各一,雖然稱唔上無敵海景,但浸住睇呢個景,我投降了。。。温泉放題呀!!

下低Slide show入面有十幾張相呀

隨左房內附露天風呂外,旅館亦有三個貸切風呂可予約利用,呢三個風呂比起房內果個更正 !

我地好好彩,當日住客唔多,可以浸晒三個貸切風呂!

貸切風呂 1 : 相當大的露天風呂,未試過旅館貸切風呂有咁大地方,而且景色不錯

貸切風呂 2 : 一入到呢個風呂,有種好舒適好Relax感覺 

貸切風呂 3:圓形圍牆,圓形風呂,雖然相影得唔靚,但親身入過去會覺得好有Style,好正!!

住得溫泉旅館,當然唔可以錯過佢地提供嘅晚餐啦,志摩一帶最出嘅伊勢海老(龍蝦)鮑魚,同埋三大和牛之一松阪牛呢餐都食到,味道極之好呀 !!!!

食完飯仲有雞蛋同蕃薯可以帶返房做宵夜

住一晚實在太小喇,下次要係度hea夠4日3夜,溫泉放題呀 !

2013年 12 月 27日 烏羽

向烏羽出發,中途先去下 "伊勢神宮"先,景點就唔介紹喇,我黎呢度都係因為我知道果度有好多野食

食飽之後就去今晚酒店,都相當唔錯下,因為我地係溫泉怪,所以都訂左附露天風呂房間

烏羽 C'est La Vie Resort Hotel

酒店晚餐又係食果D野,伊勢海老(龍蝦)鮑魚,同埋三大和牛之一松阪牛...今次最特別係鮑魚,係日本好多時會連埋內臟一齊食(熟食),完來係一大極品,但食完好後悔,因為唔好話香港,日本都好小店會供應!!

2013年 12 月 28日 京都、大阪

離開三重縣之前,梗係要食返餐先啦,又係食果幾樣野,不過我唔厭架,哈哈

華月 伊勢海老・鮑 海鮮蒸し料理 <--清蒸海鮮真係不得了!!

平靚正,但必須提前訂位 www.kagetu.co.jp

食完晏真係要離開呢個咁好食好住嘅地方了,下一站 "京都"

要準時到先得,訂左檯食另一種牛呀 ~ 近江牛

黎到京都梗係試試すき焼き(壽喜燒),自問都叫做牛魔皇,但原來すき焼き係可以好食到......Sorry 唔識形容,加杯啤酒,一大快事 !

京都、大阪唔多介紹了,最後送多幾張大阪城相比各位啦 !