和歌山、白浜 溫泉之旅

TRAVEL PERIOD : 28Jun.,2016 - 02July,2016

Destination : 大阪、和歌山、白浜

難得有幾日假,今次就去大阪同和歌山,嗰度好似有D溫泉旅館都不錯啊!

Day 1:

由香港搭中午機去到關西機場約4個鐘,到步攞埋行李過關,轉乘巴士約1個鐘去已經6點多喇! 今次住既酒店位於心齋橋近住道頓堀,買野食野都超方便。

放低行李就去食晚飯,嚟度梗係要食番餐全蟹宴先啦! 有刺身、壽司、煮炸燒、shabushabu、雑坎(係將打完邊爐既蟹湯精華,加入飯、蛋、蔥花煮成),我自己再落D蟹膏同蟹肉入去一齊食,實在太太太好味!!!

食飽要消化一下,去藥店行可以買D零食、 化妝、日用品同藥品,如果唔夠喉可以再去激安之殿堂,嗰度係24小時營業,貨品種類更多選擇。

Day 2:

上午攞完車就去咗大阪西区既中之島漁港,原本諗住可以望住河景咁海鮮BBQ,點知上層有維修工程要冬天先重開,不過一埸嚟到點都食D先走啦! 呢度有生猛游水魚可以買嚟做刺身,又有貝殼類、串燒用嚟燒烤,地方唔算大但感覺都幾寫意架!

食飽繼續揸車向和歌山出發,車程大約要2個鐘,中途停係休息站停下,可以坐低食碗麵或者買D飲品小食,好多時會有D特色手信賣,其他地方未必有得賣,今次見到當造既白鳳桃,又平又靚即刻買返酒店試下。

終於去到紀州溫泉旅館了,呢度環境好優靜,只有二十三間客房,館內設有露天風呂、泳池、餐廳、休息室,房間內有私人風呂,地方好舒適,景色怡人!

日本嘅溫泉旅館一向都好舒適,新裝修嘅旅館仲經常會有形格佈置,配埋個私人露天風侶附客室,再加上今晚嘅和式料理美食, 館內餐廳可以睇到窗外夜景,晚餐係日式料理豐富又美味,尤其雑賀崎真鯛、榮螺同酒煮鮑魚都超正!

Day 3:

食完早餐浸個溫泉,休息一陣又繼續下個行程! 本來想去黑潮市場,不過呢幾日碰正休息維修,所以去南紀白浜とれとれ市場 啦!市場地方都好大,有賣海鮮、蔬菜,又有賣壽司、拉麵、串燒、甜品小食等,可以買咗坐低慢慢食、又可以買嚟燒烤。

呢度仲有好多手信賣,係和歌山必定要買佢地既特產梅子同橙既製品啦! 有得試食可以試過鍾意先買架!

剛買完刺身同海鮮準備去燒烤之際,咁啱見到師傅劏原條黃鰭吞拿,佢劏完仲可以即刻買嚟食,第一次咁樣食,真係完全唔同平時食嗰D,肉質嫩滑有彈性,魚油既味道又香又鮮,超超超正喔!!! 大家唔好以為咁食會好貴,以相中一盆為例都只係賣2400円,約為港幣180左右,堅抵呀! 若果唔食刺身既朋友,可以試下食燒海鮮,呢度既生蠔、鮑魚、蜆、帶子都好新鮮肥美,價錢亦相當合宜!

揸車約1個多鐘就嚟到白浜溫泉旅館,呢度環境幾靚、地方好大、服務都不錯啊! 房間舒適有海景同私人風呂,房內仲有免費小食、飮品、啤酒供應。館內有大浴場、無料賃切風呂、仲有第一次浸既男女混浴場(不過係有毛巾包著,唔係赤祼嗰D),浸完有免費雪條食添,還特設有下午茶點、宵夜麵食,全部都係免費。浸完溫泉見未夠鐘食晚飯,就揸車出去附近度兜下風,揸到去一個叫「円月島」既地方被它的景色吸引,於是停低係度睇日落,放假應該就係咁輕鬆自在啦!

想不到係旅館餐廳食飯時候既晚霞仲靚,一邊睇住窗外醉人景色,一邊享用豐富既晚餐,真係酒不醉人人自醉!

Day 4:

朝早難得咁好太陽,食完早餐就去海灘游下水先,由旅館揸車去白良浜海灘只係幾分鐘車程,好方便架! 可能時間早又係平日,成個沙灘得幾個人,唔似係香港要同人迫,感覺真係好舒服! 白良浜綿延640米,含有90%硅酸的石英砂純白閃耀,海水更清澈見底。若果7月尾嚟呢度夜晚仲會有煙花睇添!

下午揸車返落大阪,繼續行街買嘢同食嘢啦! 要食壽司、咖哩、拉麵、燒肉、雞窩......

Day 5:

係日本比較少食西式早餐,行過見到呢間裝修好懷舊,有D似香港以前既冰室,咁就入嚟嘆番杯咖啡食個早餐先啦! 佢地用既餐具好精美,個班戟超香超鬆軟,好味道唔停得口,唔駛2分鐘就清曬!

今次搭下午機返香港,仲有D時間可以去機場附近個 Rinku Premium Outlet 到 shopping,呢度有過百間商店,包括男女小童服飾、鞋袋、家庭用品、玩具、運動用品等,行得攰可以去餐廳、Food Court 到食D嘢。

Featured Posts
Recent Posts
Archive
Search By Tags
Follow Us
  • Facebook Basic Square
  • Instagram Social Icon
  • Facebook Social Icon
  • Instagram的社會圖標
  • YouTube Social  Icon

香港辦事處  :

​香港尖沙咀河內道5號普基商業中心8樓806室

Unit 806, 8 Floor, Podium Plaza, 5 Hanoi Road,

Tsim Sha Tsui, Kowloon, Hong Kong

Licence No.: 354039


日本事務所  : 

〒003-0869 北海道札幌市白石区川下2143番地25

2143-25, Kawashimo, Shiroishi, Sapporo-Shi, Hokkaido, 003-0869, Japan

電話  + 852 3955 9580

電郵 dt@t-alliance.com.hk 

辦公時間

星期一至五 09:30 - 18:30 

​星期六日及公眾假期休息

聯絡我們 加入旅遊聯盟合作伙伴 

広告出稿、協業をご希望の方はお

気軽にご連絡ください

同業登入

COPYRIGHT © 2019 travel alliance All rights reserved.